Një djalë tetë vjeçar është gjetur i gjallë pasi mbijetoi pesë ditë në një park të banuar nga luanë dhe elefantë në veri të Zimbabve, sipas një anëtare të parlamentit.

Sprova filloi kur Tinotenda Pudu endej 23 kilometra nga shtëpia në parkun “e rrezikshëm” Matusadona Game, tha deputetja e Mashonaland West, Mutsa Murombedzi në X.

Ai kaloi pesë ditë “duke fjetur në një pozitë shkëmbore, mes luanëve vrumbullues, elefantëve që kalonin, duke ngrënë fruta të egra”, tha ajo.

Parku i lojërave Matusadona ka rreth 40 luanë. Në një moment, ai kishte numrin më të madh të luanëve, në kuadër të parqeve afrikane.

Muombedzi tha se djali përdori njohuritë e tij dhe aftësitë e mbijetesës për të qëndruar gjallë.

Tinotenda i mbijetoi sprovës së tij duke ngrënë fruta të egra. Ai gjithashtu gërmoi puse të vogla në shtretërit e lumenjve të thatë për ujë të pijshëm – një aftësi e mësuar në zonat e prekura nga thatësia.

Anëtarët e komunitetit lokal Nyaminyami filluan  kërkimin e tih dhe i binin daulleve çdo ditë për ta drejtuar atë në shtëpi.

Por në fund, ishin rojet e parkut ata që arritën ta gjenin. Rojet i kishin parë gjurmët e shputave të këmbës së tij dhe e kishin gjetur.

“Ky ishte ndoshta shansi i tij i fundit për t’u shpëtuar pas 5 ditësh qëndrimi në shkretëtirë”, tha deputetja.

Parku është mbi 1,470 kilometra katror dhe është shtëpia e zebrave, elefantëve, hipopotamëve, luanëve dhe antilopave.

Në të gjithë rrjetet sociale, njerëzit e kanë përgëzuar djalin e ri për qëndrueshmërinë e tij.