Presidenti i Kosovës, Hashim Thaçi, ka thënë se nuk ka qenë në Podgoricë për të diskutuar çështjen e demarkacionit me Malin e Zi pasi që kjo cështje sipas tij është e mbyllur.

Ai ka thënë se në shtetin fqinj gjatë fundjavës ka qëndruar për të shënuar 10 vjetorin e pavarësisë së Malit të Zi.

Për më tepër, Thaçi tha se demarkacioni me Malin e Zi nuk do të dërgohet në Gjykatën e Arbitrazhit.

Këto komente Thaçi i ka bërë gjatë vizitës së kompanisë për prodhimet nga qumështi, Eurolona, në Fushë Kosovë.