Presidenti i Republikës së Kosovës, Hashim Thaçi, ka pritur sot rektorin e ri të Universitetit të Prishtinës, Marjan Dema, bashkë me dekanët e sapozgjedhur

“Kam kënaqësinë t’ju takoj dhe t’ju uroj për zgjedhjen dhe marrjen e detyrës, t’ju përgëzoj për punën që po bëni në universitet dhe t’ju shpreh përkrahjen time”, ka thënë presidenti Thaçi.

Në emër të përfaqësuesve të universitetit, rektori Dema e falënderoi presidentin Thaçi për takimin e shpejtë pas marrjes së detyrës, duke thënë se është shumë e rëndësishme për përmirësimin e cilësisë, që universiteti të zë vend meritor në agjendën institucionale

“Kjo tregon që universitetin e keni lart në agjendë”, u shpreh rektori Dema, njofton presidenca e Kosovës.

Gjithashtu, rektori Dema tregoi se dekanët dhe ai synojnë të avancojnë mësimdhënien, të shtojnë transparencën dhe llogaridhënien, si dhe të rrisin bashkëpunimin ndërkombëtar të universitetit.

Pjesë e takimit ishte edhe Ministri i Arsimit, Shkencës dhe Teknologjisë, Arsim Bajrami, i cili, duke rikonfirmuar përkrahjen për universitetin, theksoi se ky institucion tani ka hyrë në një fazë të re të stabilizimit dhe të zhvillimit.

Presidenti Thaçi shprehu përkrahjen për vazhdimin e reformave në Universitetin e Prishtinës, duke shtuar se me punën e udhëheqësve të universitetit “mund të bëhen ndryshime të mëdha”.

IN Promo Marketing

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh