Numri i të vdekurve nga sulmet izraelite në Liban që nga e hëna arriti në 558, duke përfshirë 50 fëmijë dhe 94 gra, me 1,835 të plagosur, tha të martën ministri i shëndetësisë Firass Abiad.

Forcat ajrore izraelite vazhduan të sulmojnë të martën në mëngjes, me IDF-në (ushtria izraelite) që pretendoi se kishte goditur 1600 objektiva terroriste të Hezbollahut brenda vendit. Hezbollahu, nga ana e tij, ka vazhduar të lëshojë raketa në veri të Izraelit, disa prej të cilave kanë shkaktuar zjarre. Gjatë natës, Hezbollahu tha se kishte shënjestruar bazat ushtarake izraelite dhe një fushë ajrore, shkruan The Guardian.

Numri i të vdekurve në Liban vjen në pas sulmeve që vranë dhe plagosën në shpërthimin e javës së kaluar të pejxherëve dhe pajisjeve tjera radiofonike, me një zyrtar nga Organizata Botërore e Shëndetësisë që tha se disa spitale ishin të mbingarkuar me viktima.

Ministria e Shëndetësisë e udhëhequr nga Hamasi në Rripin e Gazës ka pohuar se 41,467 palestinezë janë vrarë që kur Izraeli filloi ofensivën e tij ushtarake kundër Hamasit në Rripin e Gazës, me 95,921 të plagosur. Fushata izraelite filloi pas sulmit të papritur të Hamasit brenda Izraelit jugor më 7 tetor 2023, i cili vrau afro 1200 njerëz dhe gjatë të cilit më shumë se 250 njerëz u kapën dhe u rrëmbyen në Gaza, disa prej të cilëve ende mbahen peng gati një vit më vonë.

Nuk ka qenë e mundur që gazetarët të verifikojnë në mënyrë të pavarur shifrat e viktimave të dhëna gjatë konfliktit, në të cilin janë vrarë të paktën 116 gazetarë dhe punonjës të medias. Qasja e mediave në Gaza është kufizuar nga Izraeli, i cili gjithashtu ka ndaluar Al Jazeera dhe ka bastisur dhe mbyllur zyrën e agjencisë së re në Ramallah në Bregun Perëndimor të pushtuar nga Izraeli.