Miliarderi Jeff Bezos dëshiron të ndërtojë një komunitet të super njerëzve në hapësirë, shkruan Insajderi.

Shefi i Amazonit, ëndërron të vendos një trilion njerëz në sistemin solar për të krijuar koloni të populluar nga 1000 Mozartë e Ajnshtajnë.

Biznismeni 55-vjeçar, tregoi planet e tij ambicioze gjatë një fjalimi rreth transportimit të kompanisë së tij Blue Origin në hapsirë.

“Sistemi solar mund të mbështes trilion njerëz, kështu që ne do të kishim me mijëra Mozarta dhe Ajnshtajna. Mendoni sa i jashtëzakonshme dhe dinamik do të ishte civilizimi ynë”, tha ai.

“Por nëse do ta kemi atë, atëherë ne duhet të dalim në sistemin solar dhe të absorbojmë më shumë nga prodhimi i diellit, dhe duhet të përdorim të gjitha burimet në natyrë, të gjitha mineralet dhe jo vetëm energjinë. Dhe kjo është shumë e mundshme, ne duhet vetëm të fillojmë”.

“Fakti i kësaj çështje është se ne nuk kemi kohë gjithmonë, dhe hapi ynë i parë është të ndërtojmë një mjet për lansim me një kosto të ulët, që vepron në maksimum.

Ky është një hap shumë i shtrenjtë në të cilin po fokusohet Blue Origin. Unë e dua atë jetë dinamike dhe civilizim për nipat nipave të mi. Ne duhet të fillojmë,” ka shtuar ai./Insajderi.com