Rrjeti social Tik Tok është kthyer mënyra më e re e ekspozimit të një personi apo një grupi çfarë do qoftë ai. Dhe këtë gjë e ka bërë edhe mafia italiane Camorra. 

24vijesti shkruan se grupi mafjoz Camorra po e përdor TikTok-un për të rekrutuar anëtarë të rinj. Në një video që është hedhur në TikTok duket një grup prej 15 personash të hipur në motoçikleta dhe me simbolin e klanit mafjoz Camorra.

“TikTok është bërë i rëndësishëm për mafien. Regjistrime të tilla, ku shiheshin anëtarë të rinj të klanit, dërgojnë qartë mesazhin: këtu ne jemi bosët “, shpjegon profesori Marcelo Raveduto.

Ndërsa prokurori më i lartë i shtetit i Italisë për çështjet e krimit të organizuar, Frederico Cafiero de Rajo ka thënë se qëllimi i klaneve mafjoze në TikTok është që të tregojnë fuqinë e tyre.

“Është një fenomen që çdo herë e më shumë është parë muajve të fundit. Edhe pse nuk shfaqen skena të dhunshme, qëllimi i tyre është të tregojnë prezencën dhe fuqinë e tyre. Për këtë po i përdorin platformat siç është TikTok,” tha ai.