The Washington Post ka raportuar sot se një ballinë e Time ku Trump figuron, e futur në kornizë, dhe me titull “Donald Trump: ‘The Apprentice’ është një sukses televiziv!”, që shihet e varur në Mar-a-Lago në Florida, është e rreme, transmeton Express.

Në krye të faqes, me shkronja të mëdha, ishte shpallja: “TRUMP ËSHTË DUKE GODITUR NGA TË GJITHA FRONTET…MADJE EDHE NË TV!”

Raportohet se kjo ballinë ishte vendosur në katër klube të golfit që janë në pronësi të presidentit amerikan.

Ballina, e datës 1 mars 2009, kurrë nuk kishte qenë në revistën Time në asnjë format, ka thënë një zëdhënëse e TIME.

Në edicionin e vërtetë të asaj date figuronte aktorja Kate Winslet.

“Mund ta konfirmoj se kjo nuk është ballinë e vërtetë e Time,” ka thënë Kerri Chyka për The Washington Post.