Kryetari i Kuvendit të Kosovës, Glauk Konjufca, është deklaruar lidhur me rastin ku kanë humbur jetën tre persona si pasojë e rënies me veturë në Liqenin e Badovcit.

Konjufca ka bërë thirrje për kujdes përgjatë lëvizjes me mjete automobilistike.

“U informova se organet përkatëse janë angazhuar maksimalisht me rastin për ta zbardhur atë në plotni. E në të njëjtën kohë, i bashkohem thirrjes për kujdes të shtuar gjatë këtyre kushteve të pafavorshme atmosferike që shtojnë rreziqet përgjatë lëvizjes me mjete automobilistike”, tha Konjufca.

“Duke bashkëndjerë me dhimbjen e familjarëve, si dhe miqve të viktimave, shpreh ngushëllimet e mia më të sinqerta për familjet e tyre dhe shpresoj të gjejnë forcën për të përballuar këtë tragjedi tronditëse. U prehshin në paqe!”, shtoi ai.