Një ngjarje e rëndë ka tronditur qytetin e Vitisë mbrëmjen e 8 shtatorit, kur një veturë përfundoi mbi një grup të rinjsh që po qëndronin pranë një parku.
Si pasojë e këtij aksidenti tragjik, humbi jetën 20-vjeçari Auron Ferizi, ndërsa katër të rinj të tjerë janë ende nën trajtim mjekësor për shkak të plagëve të marra.
Në një intervistë, babai i të ndjerit rrëfeu me dhimbje humbjen e të birit dhe shprehu dyshimet e tij për mënyrën se si ndodhi aksidenti.
Sipas tij, duke u bazuar në disa video-materiale që i janë ofruar, ai beson se përplasja ishte e qëllimshme.
“E kam parë videon. I ka goditur me qëllim. Ndoshta ka pasur ndonjë telashe me njërin prej tyre, por jo me djalin tim”, u shpreh ai.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
