Tre flamuj janë ndaluar zyrtarisht nga të gjitha stadiumet në Paris për Lojërat Olimpike të vitit 2024.

Çdo vend pjesëmarrës në Lojërat Olimpike valëviti me krenari flamurin e tij në ceremoninë spektakolare të hapjes të premten e kaluar.

Por, një përzgjedhje e flamujve nuk u shfaqën pasi organizatorët ndaluan përdorimin e tre prej tyre.

Ata flamuj përbëhen nga Rusia, Bjellorusia dhe Tajvani.

Atletëve rusë dhe bjellorusë u ndalohet të garojnë nën flamujt e tyre në Lojërat Olimpike “Paris 2024” për shkak të përfshirjes së tyre në luftën e Ukrainës

Disa atletë nga Rusia dhe Bjellorusia po lejohen të konkurrojnë vetëm si individë.

Në vend të flamujve të tyre përkatës, ata do të kenë ‘AIN’ në fanellën e tyre, që do të thotë Athletes Individuals Neutres, që nga anglishtja përkthehet në Atletët Neutral Individual.

Meqenëse AIN nuk konsiderohet ekip, çdo medalje e fituar nga atletët e AIN nuk do të grupohet së bashku në tabelën e përgjithshme të medaljeve.

Sa i përket flamurit të Tajvanit, është një politikë e cila thuhet në rregullore që vetëm flamujt zyrtarë të rajoneve ose vendeve pjesëmarrëse në Lojërat Olimpike lejohen në mjedise.

Për shembull, flamujt nga rajone individuale që kërkojnë pavarësi, si vendi Bask i Spanjës, Tibeti ose Quebec, janë kategorikisht të ndaluar.

Lidhur me flamurin e Tajvanit, ka pasur incidente të raportuara të stafit që kërkon nga të pranishmit të heqin referencat e flamurit kombëtar, duke përfshirë flamuj të vegjël me madhësi shamie, arna në çanta dhe madje edhe bojë për fytyrë.

Tifozët tajvanezë duhet të përdorin “Flamurin e Lulëzimit të Kumbullës”, e cila ka përfaqësuar zyrtarisht ekipin olimpik të Tajvanit që nga viti 1981.

Çdo referencë për flamurin e Tajvanit do të shqyrtohet nga personeli i sigurisë, i cili është njoftuar se cilët flamuj janë të ndaluar nga vendet olimpike këtë verë. /Telegrafi/