Skuadra e madhe angleze Manchester United do të rinovohet gjatë verës me ardhjen e trajnerit portugez Jose Mourinho, i cili pritet që të bëjë ndryshime të mëdha në skuadër.

Sipas asaj që shkruan tabloidi britanik Daily Mirror, tekniku portugez ka tashmë një listë të afrimeve që do t’i bëjë dhe atyre që do largohen. E në mesin e të larguarve janë edhe dy yjet holandezë, Daley Blind dhe Memphis Depay.

Larg United-it shihet edhe Juan Mata, për të cilin ka pasur një interesim pak ditë më parë nga Barcelona dhe duke parë raportet që kishte spanjolli me Mourinhon sa ishin te Chelsea, me shumë mundësi ky transferim mund të ndodhë.

Blind u transferua në Manchester para dy sezonesh, ndërsa për Depayn sezoni që kaloi ishte i pari për të në Premier Ligë. /Insajderi.com