Deputetja e PDK-së, Ganimete Musliu ka reaguar pas përgjimeve telefonike mes Mimoza Kusari-Lilës dhe kryekriminelit Millan Radoiçiq.

Musliu ka kërkuar nga kryeministri Kurti që të tregojë se cilat ishin sipas saj “pazaret” e tyre me Radoiçiqin.

“Vetëvendosje duhet të tregoj cilat ishin kërkesat e Radiçiqit për qeverinë Kurti dhe të tregoj pazaret qe kanë bërë me Radoiçiqin”, shkroi ajo në Facebook.

Ndërkohë, shefja e Grupit Parlamentar të Lëvizjes Vetëvendosje, Mimoza Kusari-Lila ka dal me reagim rreth bisedave të publikuara ndërmjet Milan Radojiçiq.

Ajo këto biseda i quajti montazha duke thënë se biseda e fundit me të ishte në qershor të 2022-të.

“Këta, të njëjtit, me çdo kusht po duan t’ja bëjnë avokatin dhe argatin. Po e mbrojnë Radojçiqin me sound bites dhe montazha të bisedave me ish deputetin Slavko Simiq, e fundit bisedë në qershor të 2022-tës, pas së cilës ai u nxorr jashtë nga zyra ime. Megjithatë, shihet se hallin e kanë të madh përderisa bëjnë permutacione të së njëjtës bisedë për të pestën herë. Kësaj radhe në ditën e seancës gjyqësore për sulmin terrorist në Banjskë”, ka shkruar Kusari-Lila.

Ajo ka shtuar se përgjigjen do ta marrin më 9 shkurt.

“Por të kotë e kanë. Me 9 shkurt do ta marrin përgjigjen. Radoiçiqi dhe krejt aleatët e mbështetësit e tij janë të mundur dhe kurrë më nuk kthehen në Kosovë, përveç se duarlidhur. Atyre të cilëve po ju mungon, duhet të mësohen pa të. Nuk ka luftë hibride që na përkul”, ka deklaruar shefja e deputetëve të LVV-së”, tha ajo.