Instituti GAP sot ka mbajtur debat lidhur me gjendjen e prodhuesve të materialit ndërtimorë me bazë nga argjila.
Sipas analizës së GAP, kërkesa vendore për material ndërtimor me bazë argjile është mjaft mirë i mbuluar nga prodhuesit vendor, të cilët mbulojnë deri në 80% të kërkesës. Aktualisht në këtë sektor të prodhimit janë të punësuar rreth 850 punonjës, në tetë fabrika prodhuese në territorin e Kosovës.
Por, GAP thotë se prodhuesit vendor janë duke u përballur me probleme të ndryshme, sic është çmimi i lartë i energjisë, kostot për licenca, normat e larta të interesit në kredi, mungesa e kuadrove, tatimi në import në lëndën e parë e të tjera.
Mustafë Borovci nga Shoqata e Prodhuesve të Materialit Ndërtimor nga Argjila, thotë se që që nga pas lufta nevojat dhe kërkesat për material ndërtimor nga argjila kanë qenë të mëdha, sidomos në procesin e rindërtimit pas luftës së fundit.
Ai tregon se ky sektor tani ka arritur që të bëjë eskporte edhe në Maqedoni./Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
