Lista Serbe i ka reaguar, Ambasadorit të Shteteve të Bashkuara të Amerikës, Jeff Hovenier-it, cili tha se Kosova është shtet demokratik, me kufijtë ekzistues.

Kjo parti ka pretenduar se ata politikat e tyre i vendosin sipas interesit qytetarë dhe jo sipas diktimit të Shteteve të Bashkuara të Amerikës.

“Politikën tonë gjithmonë e kanë vendosur autoritetet e Listës Serbe duke respektuar interesat e qytetarëve tanë, dhe jo nga diktimi i askujt, dhe se kështu do të vazhdojë të jetë. Si në Uashington, ashtu edhe në Prishtinë, në cilindo qytet të botës apo para ndërtesave komunale me qytetarët e tyre në mënyrë paqësore dhe demokratike, gjithmonë do të luftojmë pre të drejtat e popullit”, thuhet në komunikatën e Listës Serbe.

Më tej ata kanë thënë se nuk janë duke arritur që t’i kuptojnë deklarata e ambasadorit amerikan në Kosovë Jeff Hovenier-it.

“Duke analizuar deklaratën e ambasadorit amerikan në Kosovë Jeff Hovenier, njeriu krijohet përshtypja se pas vizitës se delegacionit të Listës Serbe në Uashington i duhej të gjykonte publikun në Prishtinë, gjë që nuk mund ta kuptojmë fare”.

“Përfaqësuesit e Listës Serbe kudo që janë, dhe këdo që takojnë do të përfaqësojnë gjithmonë interesat e popullit serb, sepse është detyrë e jona ndaj qytetarëve që mbështesin partinë tonë”, kanë përfunduar komunikatën e tyre duke pretenduar Lista Serbe.