Një ngjarje e rëndë ka ndodhur pasditen e sotme në fshatin Çerkolez të Istogut, ku një person është gjetur i vdekur brenda një veture.
Policia e Kosovës ka marrë njoftimin rreth orës 16:00 për një automjet të dyshimtë, në të cilin ndodhej një person që nuk jepte shenja jete.
Zëdhënësi i Policisë për rajonin e Pejës, Fadil Gashi, tha për Insajderin se njësitet policore kanë dalë menjëherë në vendin e ngjarjes.
“Një mjek ka konstatuar vdekjen e personit”, tha Gashi, duke shtuar se për rastin është njoftuar edhe prokurori i shtetit.
Në vendin e ngjarjes ndodhen njësitë kompetente, të cilat po merren me hetimin e plotë të rastit.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
