Presidenti tashmë i zgjedhur i Amerikës, Donald Trump ka hedhur poshtë pretendimet se Koreja e Veriut është duke ndërtuar raketa për ta goditur Amerikën.

Në një status në rrjetin social Twitter, ai ka përqeshur thirrjet se Koreja Veriore e Kim Jong-un është në fazën përfundimtare të përgatitjeve të saj, duke thënë se “Kjo nuk do të ndodhte”, shkruan BBC.

“Koreja Veriore në një qëndrim thotë se është në fazën finale të ndërtimit të armëve bërthamore që janë të afta të prekin pjesë të ShBA-së. Nuk do të ndodhë”, ka shkruar Trump në Twitter.

Nuk është e qartë nëse Trump ka shprehur dyshime rreth fuqisë bërthamore të Koresë Veriore apo është duke përgatitur veprime ta parandalojë këtë, raporton Insajderi.

Trump po ashtu ka kritikuar Kinën për dështimin që ta ndihmojë atë në frenimin e aleatit të saj, Korenë Veriore.

“Kina ka marrë shuma të mëdha të parave dhe pasuri nga ShBA, krejtësisht në tregti të njëanshme, por që nuk do të na ndihmojë për punën me Korenë. Mirë”, ka shkruar Trump./Insajderi.com