Kandidati i republikanëve për president të SHBA-së, Donald Trump, ka thënë se do ta shkarkojë “brenda dy sekondave” prokurorin special, Jack Smith, në momentin kur merr postin e presidentit.

Nëse Donald J. Trump kthehet në Shtëpinë e Bardhë, ai po thotë jo vetëm se do të shkarkojë këshilltarin special Jack Smith, por gjithashtu do të propozojë që ta dëbojë tërësisht nga vendi. Ai në dy intervistat e tij e ka përmendur shkarkimin dhe dëbimin e tij nga SHBA-të.

Në njërën, zoti Trump tha se do ta shkarkonte zotin Smith brenda disa sekondave nëse ai fitonte në nëntor, dhe në tjetrën, ai e futi zotin Smith me një listë të njerëzve që është zotuar t’i largojë nga vendi.

Në intervistën tjetër, në WABC, një radio stacion konservator në Nju Jork, tha “Ju duhet të merrni vrasësit, vrasjet dhe të çrregulluarit mendërisht, ju duhet t’i nxirrni jashtë”, tha zoti Trump. “Dhe ne duhet të hedhim jashtë Jack Smith me ta, njerëzit e çrregulluar mendërisht. Jack Smith duhet të konsiderohet i çrregulluar mendërisht dhe ai duhet të dëbohet nga vendi.”