Presidenti Donald Trump ndodhet në Vatikan, ku është duke zhvilluar një takim me Papa Françeskun.

Shefi i Shtëpisë së Bardhë dhe Ati i Shenjtë kanë shkëmbyer mes tyre dhurata. Është një takim i shkurtër privat ai mes numrit një të Amerikës dhe kreut të 1,2 miliardë katolikëve të botës. Përballja e tyre pritej me mjaft interes, duke qenë se në distancë janë përplasur me njëri-tjetrin mbi çështje si emigracioni dhe ndryshimet klimatike.

Roma përfaqëson ndalesën e tretë të turit të parë të Donald Trump jashtë kufijve si President i SHBA-së. Më vonë gjatë ditës, ai do të takohet dhe me Presidentin e kryeministrin e Italisë.