Presidenti amerikan Donald Trump ka konfirmuar se ka pasur një bisedë telefonike me homologun e tij rus, Vladimir Putin, ku kanë diskutuar për situatën në Iran dhe krizën në Ukrainë.

Gjatë një deklarate për mediat, ndërsa ishte në fluturim për në Hagë, Trump u shpreh optimist për mundësinë e arritjes së një marrëveshjeje mes SHBA-së dhe Rusisë për zgjidhjen e konfliktit në Ukrainë.

“Vladimir më telefonoi dhe më ofroi ndihmë për Iranin. I thashë se nuk kam nevojë për ndihmë për Iranin, por kam nevojë për ndihmë me të,” tha Trump, duke shtuar se shpreson që të arrihet një marrëveshje.

Ai gjithashtu u shpreh i bindur se lufta në Ukrainë nuk do të kishte shpërthyer nëse ai do të ishte ende president në momentin e pushtimit rus.

“Jam i sigurt se konflikti në Ukrainë nuk do të kishte nisur nëse unë do të isha president atëherë,” tha Trump, duke kritikuar indirekt menaxhimin e krizës nga administrata e mëparshme amerikane.

Sipas Trumpit, biseda me Putinin u zhvillua mëngjesin e 15 qershorit, në ditëlindjen e tij, dhe zgjati rreth 50 minuta. Sipas këshilltarit të Kremlinit, Yuri Ushakov, gjatë bisedës u diskutuan, përveç Iranit, edhe çështje që lidhen me Ukrainën dhe stabilitetin gjeopolitik në rajon.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!