Thomas Tuchel nuk e fshehu pakënaqësinë e tij me barazimin 2:2 në shtëpinë e Bayern Munich në ndeshjen e parë gjysmëfinale të Ligës së Kampionëve kundër Real Madridit.

Ai gjithashtu nuk hezitoi kur ishte puna për të gjetur fajtorët dhe akuzoi drejtpërdrejt dhe hapur një nga lojtarët e tij: koreano-jugorin Kim Min-Jae, të cilin e vë në dukje si përgjegjës për dy golat e skuadrës së Ancelottit. 

“Kundër Vinicius ai bëri lojën e parë shumë herët për të shënuar golin e parë dhe u kap në befasi nga një pasim i Toni Kroos. Ai ndërmori shumë rreziqe dhe ishte shumë agresiv. Ai nuk mund të luajë kështu. Shumë liri si qendërmbrojtës Në golin e dytë, për fat të keq, ishte një tjetër gabim. Ne ishim 5 kundër 2, kishim avantazhin dhe më shumë lojtarë prapa. Nuk ishte nevoja të mbroheshim kaq agresivisht kundër Rodrygos. Pikërisht kur Eric ishte gati për të ndihmuar, ai (Kim) rrëzoi Rodrygon”, tha trajneri gjerman.

“Fatkeqësisht me kualitetin e tyre, këto gabime ndëshkohen. Por, ndodhin. Duhet të vazhdojmë përpara”, e mbylli këtë çështje Tuchel.

Ndeshja e kthimit luhet të mërkurën e ardhshme në “Santiago Bernabeu”, ku gjithçka është e hapur.