Një aksident trafiku ka ndodhur sot rreth orës 10:30 në rrugën “Agim Ramadani” në Prishtinë, ku është përfshirë një automjet dhe një këmbësor.

Rastin për Insajderin e ka konfirmuar zëdhënësi i Policisë, Enis Pllana, ku si pasojë e aksidentit, këmbësori ka pësuar lëndime trupore dhe është dërguar për trajtimin e nevojshëm mjekësor.

Njësia e Trafikut të Kryeqytetit po merret me sqarimin e rrethanave të rastit.

“Sot rreth orës 10:30, në rrugën “Agim Ramadani” në Prishtinë, ka ndodhur një aksident trafiku me lëndime, në mes të një automjeti dhe një këmbësori. Si pasojë e aksidentit këmbësori ka pësuar lëndime trupore dhe i njëjti është dërguar për trajtim të nevojshëm mjekësor. Trafiku i Kryeqytetit po merret me sqarimin e rrethanave të rastit”.

Insajderi më herët ka raportuar se një fëmijë është aksidentuar te Ministria e Arsimit. Kështu ka njoftuar Kryetari i Bashkësisë Lokale zona Prishtinë, Sadudin Hasani.

Hasani ka publikuar edhe pamje nga vendi i ngjarjes.

“Në orën 10:31 sot u aksidentua një fëmijë te ministria e arsimit, britma e ti ishte shumë e fuqishme/ Dita e sotit ka me qenë ndër ditët më të tmerrshme në jetën e ati fëmiu por pa dyshim edhe për ne të pranishmit aty kur dëgjonim gjëmat e ti! Lus Zotin që fëmija ti mbijetoj aksidentit dhe të shërohet shpejt!”, ka shkruar ai.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!