Izahir Kuka, zyrtar i lartë i prokurimit në Komunën e Kaçanikut, i ka dhënë tender kompanisë, me të cilën figuron se ka kontratë profesionale. Në gusht të vitit të kaluar, Kuka dha nënshkrimin e tij që kontrata mbi 73 mijë euro të i shkojë kompanisë ‘NIKA Pro-Ing SH.P.K.’. Dy muaj më pas, ai u punësua në këtë kompani. Insajderi sjell detajet nga tenderi që ngrit dyshimet për konflikt interesi.

Gazeta Insajderi

Komuna e Kaçanikut, me 20 gusht dha tender mbi 73,643.96 €. Kontrata kishte të bënte me “Rregullimi i hapsirave rekreative Shtegu i Lirisë, Faza e I-rë”.

Fitues doli kompania “NIKA PRO-ING” Shpk‘.

Për këtë projekt u angazhua zyrtari i prokurimit, Izahir Kuka.

I njëjti del se ka lidhje me kompaninë që mori tenderin.

Nënshkrimi për tenderin që fitoi u dha nga Izahir Kuka, u.d i menaxherit të Prokurimit.

Dyshimet për konflikt interesi nga zyrtari i lartë në Kaçanik

Dy muaj pasi nënshkroi tenderin si zyrtar i komunës, Izahir Kuka lidhi një kontratë tjetër. Por, këtë herë një kontratë punë për vetë.

Ai u angazhua nga kompania që ia dha tenderin si ‘Inxhinier i ndërtimtarisë – Hidroteknik’.

Në kontratën e punës që ka siguruar Insajderi, thuhet se është lidhur për një kohë të caktuar për projektin: Rivlerësimi i Aseteve në Ndërmarrjen Publike NH “Ibër Lepenc” Sh.a.

“I punësuari do të kryej këto detyra të punës: Inxhinier i ndërtimtarisë – Hidroteknik I punësuari do të kryejë punët në: Lokalet e NIKA PRO- Ing SH.P.K. – Ferizaj, dhe në punishte. I punësuari themelon marrëdhënie pune, në kohë të caktuar, duke filluar nga: 30.10.2024, deri në përfundim te projektit“, thuhet aty.

Kuka, vazhdon të jetë i angazhuar edhe në Komunën e Kaçanikut.

Tenderi që iu dha kompanisë ‘NIKA PRO- Ing’, përfundon në dhjetor të vitit 2025, atëherë kur edhe planifikohet të kryhen punimet.

Dosja e tenderit me datat e përfundimit të punimeve

Pra, ende pa përfunduar punimet, zyrtari i prokurimit, që nënshkroi kontratën, lidhi kontratë punë me kompaninë që e fitoi. Një gjë e tillë ka ngritur dyshime serioze për konflikt interesi.

Sipas ligjit zyrtari duhet të shmang konfliktin e interesit pavarësisht nëse ai është real, i mundshëm apo në dukje.

Në rastin e njëjtë duket se Kuka nuk është preokupuar se a do të bie ndesh me ligjin.

Kuka ishte angazhuar edhe në vitin 2023 nga kjo kompani.

Por, pavarësisht se mori pagë, ai në deklarimin e pasurisë nuk ka paraqitur të ardhura të tjera.

Kuka, në formularin e deklarimit të pasurisë së tij për vitin 2024, ka deklaruar të ardhurat e tij vetëm si zyrtar publik, duke mos përmendur ndonjë angazhim tjetër.

Edhe këto të dhëna kanë lënë hapësirë për dyshime se deklaroi rrejshëm pasurinë.

Komuna dhe kompania që fitoi tenderin heshtin

Gazeta Insajderi ka provuar të marrë përgjigje nga Izahir Kuka, se veprimet e tij a bien ndesh me ligjin dhe lidhjen që ka me kompaninë ‘NIKA Pro-Ing SH.P.K’, por i njëjti nuk ka kthyer përgjigje.

Njësoj me të, veproi edhe kryetari i Kaçanikut, Besim Ilazi.

Sqarime nuk dha as kompania në fjalë/ Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!