Një person është mbytur në Liqenin e Ujmanit, pasi është hedhur nga ura dhe nuk ka dalë më nga uji.

Lajmin e ka konfirmuar Policia e Kosovës, e cila njoftoi se ngjarja ka ndodhur në orët e pasdites.

Sipas raportimeve nga mediat lokale, personi në fjalë është Rrahim Latifi, 33-vjeçar nga fshati Cerajë i Mitrovicës, i cili jetonte në mërgim dhe kishte ardhur për pushime.

Shefi i Policisë për Rajonin e Mitrovicës së Veriut, Petrit Fejza, tha se trupi i tij ende nuk është gjetur.

“Në vendin e ngjarjes kanë dalë të gjitha ekipet përkatëse dhe janë duke e kërkuar trupin e tij në liqen. Njësitë e kërkim-shpëtimit ndodhen në terren dhe po punojnë për gjetjen e trupit,” deklaroi Fejza.

Policia dhe ekipet emergjente po vazhdojnë operacionin e kërkimit, ndërsa nuk janë bërë të ditura ende rrethanat e plota të ngjarjes.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!