Një 44-vjeçar shqiptar i arrestuar në gusht në Britani, nën akuzën për posedim droge është dënuar me 2 vjet e 8 muaj burg dhe pas shlyerjes së dënimit do të dëbohet drejt Shqipërisë.
Elton Bakijasi, është arrestuar më 3 gusht të vitit të kaluar në Bringthon, pasi dyshohej se përdorte makinën e tij për të shpërndarë drogë.
Gjatë kontrollit policor, në makinë u gjetën 27 doza me kokainë si dhe prova që Bakijasi përdorte një leje drejtimi të rreme italiane.
“Kapja e kriminelëve dhe mbajtja e sigurt e komuniteteve tona është një punë gjatë gjithë ditës, e kryer çdo ditë të vitit”, tha Kryeinspektori i policisë së Sussex, Andy Saville pas kapjes së 44-vjeçarit.
Bakijasi u dënua me 2 vjet e 8 muaj burg dhe pasi të shlyejë detyrimin do të dëbohet për në Shqipëri.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
