Policia e Kosovës ka ndaluar një person të dyshuar për falsifikim dokumentesh dhe vjedhje identiteti, gjatë një kontrolli rutinor në veri të Mitrovicës, shkruan Insajderi.

Sipas njoftimit zyrtar, i dyshuari, shtetas kosovar – ishte prezantuar me një identitet tjetër në momentin e ndalimit. Gjatë verifikimit nga njësia policore, zyrtarët dyshuan në vërtetësinë e dokumenteve të paraqitura. Si rezultat, u zbulua se letërnjoftimi dhe patenta e shoferit që mbante me vete ishin të falsifikuara.

Policia njofton se ndaj të dyshuarit ekzistonte një urdhër-arrest aktiv për veprën penale “Falsifikim i dokumenteve”.

Pas njoftimit të prokurorit të çështjes, ndaj personit është iniciuar rast sipas nenit 390 të Kodit Penal të Republikës së Kosovës. Hetimet janë duke vazhduar edhe për veprën tjetër penale “Vjedhje identiteti dhe kredencialeve”, sipas nenit 277H të ligjit 08/L-188.

Dokumentet e dyshuara janë konfiskuar, ndërsa i dyshuari është intervistuar nga hetuesit e Njësisë për Hetimin e Krimeve Ekonomike dhe Korrupsionit në Mitrovicën e Veriut. Me vendim të prokurorit, ai është dërguar në mbajtje për 48 orë, bën me dije policia.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!