Gjatë ditës së sotme në mbledhjen e Qeverisë së Kosovës është miratuar buxheti për vitin 2025 me vlerë prej 3.6 miliardë euro.

Ministri i Financave, Punës dhe Transfereve, Hekuran Murati përmes një postimi në rjetin social në Facebook ka thënë se Buxheti per investime kapitale në vitin 2025 do të jetë 930 milionë euro.

‘’Buxheti per investime kapitale në vitin 2025 do të jetë 930 milionë euro’’, ka shkruar Murati.

Dje i pari i Qeverisë në një konferencë për media ka premtuar se nga janari i vitit 2025 do të ketë rritje prej 55 euro të pagës, për të gjithë punëtorët e sektorit publik.