Një 27-vjeçar shqiptar në Itali po lufton me vdekjen në një spital të Italisë.

Sipas mediave ai mbeti i plagosur pas goditjeve me thikë.

Mediat italiane raportojnë se i riu është sulmuar befasisht me thikë nga dy persona mesditën e sotme.

Ngjarja ka ndodhur në Romë në rrugën “Gazametro”, pranë një restoranti japonez.

I plagosuri tentoi fillimisht të largohet duke vrapuar, por pas afro 150 metrash ai është rrëzuar pa ndjenja në tokë.

Raportohet se 27-vjeçari ka humbur shumë gjak dhe gjendja e tij është kritike për jetën.

Ende nuk bëhet me dije identiteti i të plagosurit.