Pasagjerët e një fluturimi nga Turqia për në Moskë raportohet se janë detyruar të ulen pranë një trupi të vdekur, pasi një grua kishte vdekur gjatë fluturimit.

Gruaja 50 vjeçare nga Rusia ka vuajtur nga diabeti ndërsa ka pasur sulm në zemër vetëm 45 minuta pasi aeroplani u largua nga Turqia për në Moskë.

Bashkëshorti i saj ka thënë se ajo e ka lënë insulinën në bagazhin e saj, duke menduar se nuk do t’i duhej.  Ai ka thënë se gruaja e tij kishte marrë insulinë rreth një orë para udhëtimit dhe ka menduar se kjo do të jetë e mjaftueshme.

Piloti i aeroplanit nuk kishte pranuar për të bërë ulje emergjente, ndërsa trupi i gruas të vdekur ishte vendosur përkrah në ulëset me pasagjerët e tjerë.

Trupi i pajetë i gruas ka qëndruar në dyshemenë e aeroplanit për rreth tre orë.

Vdekjet në aeroplan nuk janë shumë të zakonshme, por nëse ndodhë atëherë kapitenët duhet që të ndjekin disa rregulla për raste të tilla.  Po ashtu, ata duhet që të largojnë trupin nga afërsia me uhdëtarët e tjerë./Insajderi.com