Forcat e armatosura të Ukrainës kanë nisur një ofensivë të papritur në rajonin Kursk të Rusisë, sipas zyrtarëve ukrainas dhe blogerëve ushtarakë rusë.

Videot treguan kolona të blinduara ukrainase që përparonin përmes fushave të mbuluara me borë, drejt fshatit Bolshoe Soldatskoe, në verilindje të qytetit rus Sudzha, i cili mbahet nga Ukraina. Ende nuk është e qartë shkalla e operacionit të nisur në mëngjesin e së dielës.

Raporte të pakonfirmuara sugjerojnë se trupat ukrainase kanë kapur vendbanimin rus Berdin dhe se specialistët ukrainas të çminimit kanë pastruar mina gjatë natës. Luftime të ashpra po zhvilloheshin, me përdorimin e pajisjeve elektronike për të çaktivizuar disa dronë rusë.

Ky sulm i madh në rajonin Kursk ka ndodhur gati gjashtë muaj pas një ofensivë të ngjashme përtej kufirit, kur Ukraina ndërmori një sulm të gjerë. Pas asaj periudhe, Kremlini ka tentuar të dëbojë forcat ukrainase, duke arritur të rimarrë rreth 40% të territorit të humbur, por ende nuk ka mundur të largojë forcat ukrainase plotësisht.