Zëvendëskryeministrja ukrainase, Irina Vereshchuk deklaroi se të premten 6.665 civilë u evakuuan për në zona të sigurta përmes korridoreve të ndihmës humanitare, transmeton Insajderi.
Në konferencën për shtyp, Vereshchuk bëri deklarata në lidhje me evakuimet e bëra përmes korridoreve të ndihmës humanitare më 8 prill.
Duke vënë në dukje se 5,158 civilë nga Mariupol dhe Berdyansk, të cilat ishin nën bllokadën e forcave ruse, shkuan në Zaporozhye me autobusë dhe automjete të tyre, ajo deklaroi se 1,614 prej tyre ishin nga Mariupol dhe 3,544 ishin nga qytete të ndryshme të rajonit Zaporozhye.
Gjithashtu deklaroi se 1.507 njerëz u evakuuan dje nga vendbanimet Lisichansk, Severodonetsk, Rubezhnoe, Kremennaya dhe Gorskoye në rajonin e Luganskut.
Boychenko tha për një televizion lokal se 31.000 civilë nga Mariupol u dërguan me forcë në Rusi ose në të ashtuquajturën “Republika Popullore e Donjeckut” nga forcat ruse, duke deklaruar se ata kanë një listë të verifikuar të njerëzve të larguar me forcë.
Duke vënë në dukje se këta persona atje iu nënshtruan përbuzjeve të ndryshme, Boychenko tha se autoritetet ruse i trajtuan ashpër, u morën shenjat e gishtave dhe i detyruan të nënshkruanin dokumente të ndryshme.
LEXO EDHE:
Boychenko deklaroi gjithashtu se vetëm korridori humanitar Berdyansk-Zaporizhye funksionon në rajonin e Mariupolit dhe se njerëzit janë evakuuar në zona të sigurta përmes kësaj rruge, duke shtuar se 95.000 civilë nga Mariupol janë dërguar në këtë rajon përmes korridorit të lartpërmendur.
Nebitov tha në një deklaratë se policia e rajonit të Kievit kreu një hetim dje në një nga varrezat masive më të mëdha ku janë varrosur civilët e vrarë nga forcat ruse.
Ai theksoi se trupat e 40 personave të gjetur në varrin masiv në Buça u përkisnin civilëve, të cilët nuk shfaqën asnjë rezistencë.
Shtabi i Përgjithshëm i Ukrainës dha informacione për humbjet e ushtrisë ruse midis datave 24 shkurt dhe 9 prill.
Sipas kësaj 19.100 ushtarë të ushtrisë ruse që sulmuan Ukrainën u vranë, 151 avionë, 136 helikopterë, 705 tanke, 1.895 automjete të blinduara ushtarake, 335 armë, 108 sisteme raketash dhe 55 sisteme të mbrojtjes ajrore që i përkisnin rusëve u shkatërruan.
Në deklaratën e Shtabit të Përgjithshëm të Ukrainës bëhet e ditur se forcat ruse humbën gjithashtu 1.363 automjete, 7 anije dhe skafe të lehta, 76 automjete me karburant dhe 112 mjete ajrore pa pilot.
Zelenskiy mbajti një konferencë për shtyp pas takimit në Kiev me Presidenten e Komisionit Evropian, Ursula von der Leyen dhe Përfaqësuesin e Lartë të BE-së për Punët e Jashtme dhe Politikën e Sigurisë, Josep Borrell.
Duke deklaruar se mjedisi i dialogut midis Ukrainës dhe Bashkimit Evropian është i rëndësishëm, Zelenskiy tha: “Lufta e bashkoi plotësisht Ukrainën, (bashkoi) njerëzit me qeverinë, dhe kjo është arsyeja pse Ukraina është kaq e fortë. Fatkeqësisht, kjo luftë solli shumë viktima. Dhe rreth kësaj, për të mbrojtur Ukrainën dhe ukrainasit, kjo luftë ka bashkuar si Bashkimin Evropian ashtu edhe botën.”
Zelenskiy falënderoi autoritetet evropiane për vizitën e tyre në Ukrainë dhe Buça, duke theksuar se kjo vizitë është një shenjë shumë e fortë e unitetit të Ukrainës dhe BE-së.
Ai falënderoi Komisionin Evropian për vendimin e tij për të pranuar paketën e 5-të të sanksioneve kundër Rusisë, duke thënë: “Unë personalisht i jam mirënjohës Ursula von der Leyen për paketën e 5-të të sanksioneve, por mendoj se nuk mjafton. Ata (rusët) na kanë marrë shumë, kanë marrë shumë nga ne. Nga ne kanë marrë edhe tokat tona edhe njerëzit tanë”.
Duke theksuar se BE-ja duhet të ndihmojë veten duke vendosur sanksione kundër Rusisë dhe të rrisë këto sanksione, Zelenskiy shtoi se Rusia nuk kupton në mënyrë tjetër.
“Ne e dimë se kush janë ata që vazhdimisht përpiqet të zbusin propozimet e sanksioneve dhe ne do të bëjmë gjithçka që mundemi për t’i bërë ata (evropianët) të kuptojnë se kush janë këta. Jo kufizime të pjesshme në eksportet e energjisë ruse ose kufizime të pjesshme në lundrimin detar rus, por me të vërtetë parimore dhe në çdo rast do të duhet të vendosen sanksione vërtet të forta kundër Rusisë”, tha Presidenti ukrainas në videomesazh.
Zelenskiy gjithashtu argumentoi se politikanët dhe vendet që e shtynë këtë vendim (sanksioneve) do të ndryshonin pikëpamjet e tyre nën presionin e veprimeve të Rusisë kundër ukrainasve dhe lirisë në Evropë, dhe gjithashtu bëri thirrje për heqjen e plotë të të gjitha bankave ruse nga sistemi financiar global.
Duke iu referuar sulmit me raketa në Kramatorsk në deklaratën e tij, Zelenskiy theksoi se Ukraina pret një përgjigje të ashpër globale ndaj këtij sulmi, i cili vrau shumë njerëz.
“Të gjitha vendet kryesore të botës e kanë dënuar tashmë sulmin me raketa ruse në Kramatorsk. Ne presim një përgjigje të ashpër dhe globale ndaj këtij krimi lufte”, tha Zelenskiy dhe shtoi se ky sulm me raketa, si shumë krime të tjera të luftës të Rusisë, duhet të jetë një nga akuzat në gjykatën ndërkombëtare.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
