Kandidati për kryetar të Prishtinës, Uran Ismaili, ka prezantuar sot zgjidhjet e tij për lagjen Ulpiana, si pjesë e platformës së përgjithshëm për një kryeqytet funksional dhe lagje të jetueshme.

Në fjalën e tij, Ismaili tha se Ulpiana është një nga hapësirat më emblematike të Prishtinës, e njohur për trashëgiminë dhe identitetin e saj urban, por që për shkak të mungesës së ndërhyrjeve konsistente nga komuna, sot përballet me infrastrukturë të amortizuar.

“Fryma e ndryshimit po troket në çdo lagje të Prishtinës. Për dallim nga të tjerët që premtojnë projekte utopike që marrin 8-10 vite, unë po garoj me zgjidhje të prekshme për problemet reale, që burojnë nga ju dhe ju shërbejnë juve. Qytetarët e Prishtinës kanë nevojë që fillimisht t’iu sigurohen kushtet bazike për një jetë të dinjitetshme, e jo premtime boshe që nuk realizohen asnjëherë” u tha Ismaili të pranishmëve.

Projektet identifikuese në platformën e Ismailit për lagjen Ulpiana janë:

Dy parkingje nëntokësore të integruara me hapësirat publike, duke ruajtur identitetin urban të lagjes;

Fasadimi dhe izolimi i ndërtesave banesore dhe objekteve publike;

Revitalizimi dhe modernizimi i tregut të Ulpianës;

Vendosja e ashensorëve dhe përmirësimi i ndriçimit publik;

Renovimi i shkollës “Hasan Prishtina” dhe dy çerdheve të lagjes;

Dezinsektimi dhe përmirësimi i higjienës në blloqet banesore.

Ky prezantim i Ismailit në Ulpianë vjen si vijim i takimeve të kësaj jave në lagjet Nazim Gafurri, Tophane, Muhaxherët dhe Kalabria, ku Ismaili ka paraqitur projektet konkrete për secilën prej tyre.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!