Kryesuesi i Këshillit Prokurorial të Kosovës, Blerim Isufaj, ka pritur sot në takim John Ferry nga Programi i USAID-it për Fuqizimin e Sektorit të Drejtësisë në Kosovë.

Me këtë rast, kryesuesi Isufaj vlerësoi bashkëpunimin dhe mbështetjen që ka dhënë dhe po jep USAID-i për sistemin prokurorial të Kosovës.

Ai shprehi gatishmërinë e tij për vazhdim dhe thellim të bashkëpunimit në mes të KPK-së dhe USAID-it.

Në anën tjetër, përfaqësuesi i USAID-it, John Ferry, i cili për herë të dytë po qëndron në Kosovë, në mbështetje të sistemit të drejtësisë, vlerësoi punën që ka bërë dhe është duke e bërë Këshilli Prokurorial i Kosovës, thuhet në një njoftim për media dërguar nga KPK.

Gjatë këtij takimit, me theks të veçantë u diskutuan punët e bëra nga organet disiplinore brenda institucioneve të sistemit të drejtësisë së Kosovës, mundësia e thellimit të komunikimit dhe bashkëpunimit në mes tyre dhe gjetja e rrugëve më të lehta për përfundim sa më të shpejtë dhe profesional të rasteve disiplinore.

Të dy bashkëbiseduesit u pajtuan që të bëhet një punë më e madhe koordinuese në mes të institucioneve të sistemit të drejtësisë, për krijimin e një infrastrukturës ligjore, por edhe të mekanizmave tjerë, që do të siguronin kushte më të mira për efikasitet dhe shpejtësi në punët e organeve të tyre disiplinore./Insajderi.com

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”