Zëvendësministri në detyrë i Drejtësisë, Blerim Sallahu, ka deklaruar se pas zhbllokimit të situatës në Kuvendin e Kosovës, opozita duhet të votojë kandidaten e Vetëvendosjes për kryetare të Kuvendit, pasi kjo është e drejtë kushtetuese e grupit më të madh parlamentar.

Ai nënvizoi se hapi i radhës duhet të jetë votimi i Albulena Haxhiut si kryetare e Kuvendit, duke iu referuar Kushtetutës që sipas tij e përcakton qartë këtë të drejtë për LVV-në.

“Pas kësaj, duhet një pajtim i shkruar nga të gjitha partitë politike për shpërndarjen e Kuvendit dhe organizimin e zgjedhjeve. Kjo është rruga e duhur kushtetuese”, ka shkruar Sallahu.

Megjithatë, edhe pse seanca për zgjedhjen e kryetares së Kuvendit u mbajt sot dy herë, Lëvizja Vetëvendosje nuk arriti të sigurojë votat e nevojshme për zgjedhjen e Albulena Haxhiut në këtë pozitë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!