Shteti i Zvicrës ka fituar një rast në Gjykatën Evropiane të të Drejtave të Njeriut (ECHR), i cili e lejon shtetin që të detyrojë prindërit myslimanë në Zvicër të dërgojnë vajzat e tyre në mësimet e notit në shkolla publike, së bashku me djemë.

Një panel prej shtatë gjykatësve ka thënë se liria e fesë është “prekur” në këtë rast, mirëpo ky veprim është legjitimuar për shkak të “integrimit social”.

Shteti zviceran ishte duke u ballafaquar në Gjykatë, për këtë rast, me një familje turke që jeton në Bazel, e cila kishte refuzuar të dërgojë fëmijët e tyre në mësime të notit, së bashku me fëmijë të tjerë, raporton Insajderi.

Famija Osmanoglu nga Bazeli, ishte dënuar me 1,000 franga zvicerane pasi kishte refuzuar t’i dërgonte fëmijët e tyre në mësimet e notit, të cilat organizohen në shkollat zvicerane. /Insajderi.com