Nisur nga numri i lartë i infektimeve dhe epidemia e të pavaksinuarve, vende të Europës kanë vendusur regjimin “Lockdown”, mbylljen.

E duke parë si po shkojnë gjërat në vend, çdo ditë e më shumë gjendemi përballë mëdyshjes: Të vaksinohemi apo të mbyllemi?

Qytetarë: Sigurisht që duhet të vaksinohemi, se nuk mbyllemi pastaj.

Një mbyllje tjetër do ishte fatale, duam të ushqehemi.

Të gjithë në familje jemi vaksinuar. T’i lënë konspiracionet shqiptarët, se po vaksinohet e gjithë bota.

Në Kosovë ne kemi 60% të popullatës të vaksinuar, megjithatë edhe tek ne diskutohet mbyllja. Ndaj duhet më shumë ndërgjegjësim për vaksinimin.

Unë jam vaksinuar me 2 doza, do bëj edhe të tretën.

Në Greqi ku jetoj, nuk të lënë gjëkundi pa pasaportën e vaksinimit.

Po të jetë e nevojshme le të mbyllemi. E pritëm aq shumë vaksinën dhe tani që e kemi, nuk e bëjmë.

Një mbyllje tjetër nuk do ta duronim dot.