Një ditë pas të shtënave me armë zjarri mes dy familjeve, Sekiraqa dhe Gashi ose siç njihet “Capat”, është varrosur Premtim Gashi i cili mbeti i vrarë në vend.
Ai u vra mbremë gjatë të shtënave me armë mes dy grupeve në lagjën “Aktash” në Prishtinë. Premtim Gashi i përkiste familjes së “Capave”.
Varrimi i tij është bërë në orën 16:00, në varrezat në lagjen Arbëria në Prishtinë.
Vëllai i tij, Korab Gashi, ka mbetur i plagosur me katër të tjerë, përfshirë Salih Sekiraqën, Robert Llumnicën (29-vjeçar), Fatos Abazin (35-vjeçar) dhe Valdrin Ademin (21-vjeçar).
Prokuroria Themelore në Prishtinë ka lëshuar njoftim zyrtar dhe bëri të ditur se ndaj pesë të plagosurve, të cilët janë tashmë të dyshuar për rastin është lëshuar urdhri për ndalim.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
