Prej 24 orësh vatra të mëdha zjarri janë shfaqur në malin e Cukalit të njësisë administrative Shllak, në bashkinë e Vaut të Dejës, ndërkohë që askush nga strukturat lokale, apo qendrore nuk ka shkuar në atë zonë.

Alarmin për zjarrin e ka dhënë një fermer i zonës i cili ka një fermë kafshësh. Nikolin Shqau ka deklaruar se po i rrezikohen lopët dhe viçat, ndërkohë që rrezikohen edhe stallat nga zjarri.

Ai bashkë me punëtorët e tij po mundohet që të vërë nën kontroll flakët me mjete rrethanore, por është e pamundur edhe për shkak të terrenit të vështirë./a2cnn