Gjatë ditës së djeshme Arbër Gërguri nga fshati Vragoli i Komunës së Fushë Kosovës ka vdekur në Prizren pasi dyshohet se ka pësuar lëndime në vendin e punës.

Lidhur me rastin janë arrestuar tre menaxherë, të cilët janë dërguar në mbajtje.

Më tutje në raportin 24-orësh thuhet se prokurori ka urdhëruar që trupi i pajetë i vikitmës të dërgohet në obduksion.

“ASGJËSIM, DËMTIM OSE HEQJE E PAJISJEVE MBROJTËSE DHE RREZIKIM I SIGURISË NË VENDIN E PUNËS- Prizren / 24.11.2024 – 14:14. Raportohet se viktima mashkull/k, ka ndërruar jetë si pasojë e lëndimeve të pësuara në vendin e punës derisa ishte duke punuar. Vdekjen e viktimës e ka konstatuar mjeku kujdestar. Në vendngjarje kanë dalë njësitë përkatëse policore, prokurori si dhe inspektori i punës. Lidhur me rastin janë arrestuar tre të dyshuar meshkuj/kosovar (menaxherë) të cilët pas intervistimit me vendim të prokurorit janë dërguar në mbajtje. Po ashtu prokurori ka urdhëruar që trupi i pajetë i vikitmës të dërgohet në obduksion. Rasti në hetime.”