Një këmbësor ka humbur jetën si pasojë e një aksidenti të rëndë trafiku në rrugën Prishtinë-Pejë, gjegjësisht në fshatin Bresje të Fushë-Kosovës, mbrëmjen e së dielës.
Zëdhënësi i Policisë së Kosovës, Daut Hoxha, ka bërë të ditur se aksidenti ka ndodhur rreth orës 21:00.
“Në vendin e aksidentit kanë dalë njësitë policore dhe autoambulanca, ku mjeku kujdestar ka konstatuar vdekjen e një personi mashkull”, tha ai.
Hoxha bëri të ditur se rruga Prishtinë-Pejë është mbyllur përkohësisht për qarkullim, teksa hetimet për zbardhjen e rrethanave të aksidentit po vazhdojnë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
