Tre fëmijë kanë humbur jetën si pasojë e rrëzimit të pllakës në një shtëpi të pabanuar në fshatin Jaballanicë të Gjakovës.

Lidhur me këtë rast tragjik, ka reaguar kryetari i Gjakovës, Ardian Gjini.

Ai është shprehur i tronditur nga ky rast. Në një postim në Facebook, Gjini u ka shprehur ngushëllime familjeve të viktimave.

“Jam i tronditur nga lajmi për humbjen e jetës së tre fëmijëve në Jabllanicë sonte! Ngushëllimet e mia më të sinqerta për familjet! Nuk ka fjalë që e shprehin dhimbjen! Le të bëjmë krejt çka mundemi të jemi me familjet në këto çaste të rënda! Qofshin të parajsës engjëjt!”, ka shkruar Gjini.