Bujar Vitija, infermier në Klinikën e Syve, të Qendrës Klinike dhe Universitare të Kosovës ka ndërruar jetë.

Në njoftimin e SHSKUK thuhet se ai ishte punëtor i shquar, i zellshëm dhe me përkushtim shërbeu në Klinikën e Syve.

“I ri dhe plot energji, gjithmonë ishte i gatshëm të ndihmonte të tjerë, pa e kursyer veten në asnjë moment. Përkushtimi dhe përkujdesja e tij për pacientët do të mbesin të paharrueshme në kujtimet tona. Ngushëllimet më të sinqerta familjes, të afërmve të tij, për këtë humbje dhe zbrazëti të madhe që la pas”, thuhet në njoftim.