Këngëtari i njohur turk, Ferdi Tayfur, ka ndërruar jetë në spitalin Medical Park në Antalya, ku ka qenë duke u trajtuar për një kohë të gjatë.

Ai ishte 79 vjeç dhe gjatë karrierës së tij muzikore ka realizuar shumë albume dhe këngë të njohura.

Ferdi Tayfur ishte ndjerë keq më 15 dhjetor në shtëpinë e tij në Marmaris, dhe ka qenë i shtruar fillimisht në një spital privat në qytet, për t’u transferuar më pas në një tjetër institucion shëndetësor në Mugla.

Ai ishte në trajtim në njësinë e kujdesit intensiv në departamentin e kirurgjisë, dhe më parë ishte operuar në një spital në Antalya për të vendosur një stent në enën e trurit. Përmendet se u lirua nga spitali katër ditë më parë.

Për një periudhë, Tayfur ka pasur nevojë për trajtim me dializë, dhe në vitin 2020, djali i tij i ka dhuruar një veshkë.

Më 16 dhjetor, u transferua nga Mugla në Antalya, ku vazhdoi trajtimin dhe kaloi një operacion.