Policia e Kosovës ka raportuar se ka ndodhur një aksident trafiku mes një kamioni dhe një veturë ku si pasojë e lëndimeve kanë humbur jetën tre persona, dy meshkuj dhe një femër.

Vdekja e viktimave është konstatuar nga ekipi mjekësor dhe urdhër të prokurorit trupat e pajetë janë dërguar në Institutin e Mjekësisë Ligjore për obduksion, raporton policia.

Aksidenti ka ndodhur gjatë ditës së djeshme në fshatin Rakaj në komunën e Ferizaj rreth orës 13:21. Lidhur me rastin nuk është raportuar për të arrestuar. /Insajderi.com