Sulmuesi i Kosovës, Vedat Muriqi, mund të kthehet te skuadra e Fenerbahçes, shkruan mediumi turk “aspor”. Muriqi 30-vjeçar, i cili ka kontratë me klubin e Mallorcas deri në vitin 2027, mund ta zëvendësoj sulmuesin Youssef En-Nesyri, i cili pritet të largohet gjatë janarit, pasi ka pranuar ofertë nga Arabia Saudite.

“Fenerbahçe pritet të fitoj 30 deri 35 milionë euro nga shitja e En-Nesyrit dhe pritet t’i shpenzoj 10 milionë euro për transferimi ne Vedat Muriqit”, shkruan mediumi turk të hënën.

Muriqi luajti për Fenerbahçen nga viti 2019 deri në vitin 2020.

Ai shkëlqeu në Turqi, ndërsa në edicionin aktual me fanellën e Mallorcas ka shënuar tre gola dhe ka kontribuar me dy asistime në 14 paraqitje në La Liga.