Vëllai i Armela Segashit e cila ndërroi jetë si pasojë e sulmeve terroriste që ndodhën në pasditën e së premtës në qendren tregtare të Mynihut, ka falënderuar të gjithë njerëzit që në këtë kohë të vështirë i qëndruan pranë familjes, njofton Klan Kosova.

Përmes një postimi në rrjetin social facebook, Arbnor Segashi tha se do jem mirënjohës për të gjithë ata që u solidarizuan në këtë periudhë dhimbjeje për gjendjen e shkaktuar nga vdekja e motrës së tij.

Po në të njejtin deklarim, vëllau i Armelës së ndjerë, ka kërkuar nga të gjithë për të injoruar tashmë thirrjet që po bëhen për ndihmë financiare në emër të familjes së tyre, përcjellë Klan Kosova.

‘’Kërkoj nga ju të injoroni të gjitha apelimet që bëhen në emër të familjes time. Unë dua të falënderoi të gjithë ata të cilët tentuan për të ndihmuar apo që donin të ndihmonin apo edhe ata që kanë ndihmuar mua dhe familjen time. Një pjesë e parave të grumbulluara do të shkojnë për fëmijët në nevojë.”

“Ju lutem ndaloni së dhuruari donacione. Ne kemi mjetet dhe mundësitë për të transportuar motrën tonë dhe për ta varrosur atë në vendlindje. Unë e di, ju të gjithë dëshironi për të na ndihmuar ne për të na e lehtësuar dhimbjen por as paratë e gjithë botës nuk na ndihmojnë apo na e lehtësojnë dhimbjen tonë më. Ne kemi nevojë për ju. Dhembshuria juaj dhe forca juaj. Motra ime do të ndihej e lumtur në këtë mënyrë. Ju falënderoi të gjithëve për mirëkuptim.’’ shkruajti vëllai i Armelës, në Facebook. /Insajderi.com