Vëllau i deputetes së Vetëvendosjes, Fitore Pacolli, i cili është shpërblyer me grant 100 mijë euro prej Ministrisë së Bujqësisë, ka dal me një reagim.

Ndërsa Pacolli, pas kësaj ka paralajmëruar të gjithë gazetarët dhe analistët që ia kanë përmendur emrin për grantin.

Pacolli ka thënë se me të gjithë do të shihet në gjykatë, meqë sipas saj janë bërë akuza të pa baza

“Të gjithë ju gazetarë e analista “profesional” që keni lakuar emrin tim do të shihemi në gjykatë për shpifjet dhe akuzat pa bazë”, ka shkruar ajo, duke e shpërndarë shkrimin e vëllait të saj, ku ai pranon se e ka fituar grantin.

Në anën tjetër, vëllai i saj Blerim Pacolli, tha se ka fituar 63 mijë euro pasi ka aplikuar në projektin për shtallë dhe lopë qumështore.

“Unë kam fituar grant por nuk i kam fituar 100.000 euro siç po shkruhet nëpër portale. Kam aplikuar me projekt për shtallë për lopê qumshtore, vlera e të cilit arrinë në 100.000 euro. Ministria mbulon 65% shumës së projektit ndërsa unë me financat e mia mbuloj 35% të vlerës. Kush do që din pak matematikë të nivelit fillestar e kupton se vlera që Ministria mbulon projektin është 63.000 euro asnjë cent më shumë”, ka shkruar ai.