Vëllau i deputetit të Lëvizjes Vetëvendosje, Gafurr Dugolli, është emëruar Sekretar i Përgjithshëm në Ministrinë e Mbrojtjes.

Ky vendim është marrur sot në Qeverinë e Kosovës.

Këtë propozim-vendim për emërimin e Dugollit në pozitën e Sekretarit të Përgjithshëm e prezantoi ministri i Mbrojtjes, Ejup Maqedonci.

Maqedonci tha se emërimi propozohet në raportin e komisionit vlerësues për rekrutimin e zyrtarëve në pozita të larta drejtuese.

Më tutje ai u shpreh së vëllau i Enver Dugollit, ka rezultuar si “kandidat i suksesshëm” pas zhvillimit të procedurave rekrutuese për këtë pozitë.

Rikujtojmë se ai në vitin e kaluar ishte emëruar UD i sekretarit.

Po ashtu, para kësaj pozite që aktualisht është emëruar, Dugolli ka mbajtur pozitën e shefit i njësisë së protokollit në Ministrinë e Mbrojtjes.

Enver Dugolli është anëtar i Komisionit Parlamentar për Çështjet e Sigurisë dhe Mbrojtjes. Ky komision mbikëqyr edhe punën e Ministrisë së Mbrojtje.