India është renditur si vendi më i lirë për të jetuar në botë, sipas një studimi të ri, raporton gazeta britanike The Independent.

Vendi me më së shumti dendësi të popullsisë në botë ka fituar vendin e parë në çmimin e ulët të jetesës, duke mposhtur fqinjët e saj Pakistanin dhe Nepalin, një studim i ri i çmimeve botërore ka sugjeruar, njofton Insajderi.

Ushqimi, veshjet dhe sendet e përditshme si pasta e dhëmbëve janë të gjitha me çmim relativisht të ulët, ndërsa vendet metropolitane, të tilla si New Delhi, Mumbai dhe Bangalore ofrojnë paga të mira dhe kështu të bëjnë jetën shumë më të lirë se kudo tjetër në botë, thotë raporti Numbeo.

Abhijit Banerjee, profesor i Ekonomisë në Institutin e Teknologjisë të Masaçusets (MIT), thotë se tregu i madh i brendshëm në Indi do të thotë se mallrat e prodhuara brenda vendit janë lehtësisht të përballueshme për shumicën.

“Mallrat vendore, janë shumë të lira në Indi, aq sa të hash në një restorant me çmim të arsyeshëm”, tha ai për The Independent.

Vendi i dytë më i lirë në botë, pas Indisë renditet shteti i Evropës juglindore, Moldavia.

Ndërsa, pas saj vijnë Pakistani, Kazakistani, Nepali, Ukraina, Gjeorgjia, Algjeria, Azerbajxhani dhe Kolumbia. /Insajderi.com