Presidenti Donald Trump ka reaguar ndaj vendimit të Gjykatës së Lartë për mbylljen e platformës TikTok.

Trump është shprehur se vendimi për zbatimin e ndalimit të TikTok do të varet nga ai, shkruan CNN. “Përfundimisht vendimi varet nga unë. Ju do të shihni se çfarë do të bëj,” theksoi Trump.

Gjykata e Lartë ka mbështetur ligjin që mund të ndalojë aplikacionin nëse nuk shitet nga pronari deri të dielën.

Gjykata argumentoi se rreziku për sigurinë kombëtare i shkaktuar nga lidhjet me Kinën tejkalon shqetësimet për kufizimin e lirisë së shprehjes nga aplikacioni ose 170 milionë përdoruesit e tij në Shtetet e Bashkuara, raporton AP.