Kryetari i Lëvizjes Kombëtare të Serbisë dhe bartësi i listës “Serbia kundër dhunës”, Miroslav Aleksiç, ka thënë sot se vendimi i Qeverisë së Serbisë për të lejuar lëvizjen e lirë të të gjitha automjeteve nga Kosova nga viti i ri është dëshmi se. Presidenti i Serbisë, Aleksandar Vuçiq, është “i gatshëm të bëjë gjithçka për të ruajtur pushtetin e tij”.

“Ndërsa në rrugët e Beogradit po rrahin studentët që po protestojnë në mënyrë paqësore kundër vjedhjes së zgjedhjeve dhe kërkojnë anulimin e zgjedhjeve të vjedhura, ata po i lënë serbët në Kosovë në mëshirën e Kurtit”, tha Aleksiç në një deklaratë me shkrim.

Ai shtoi se duhet të mbahet mend se për shkak të atyre tabelave, serbët e Kosovës bllokuan rrugët, u larguan nga institucionet në Kosovë, bojkotuan zgjedhjet

“Natyrisht, e gjithë kjo me rekomandimin e patriotit të madh Aleksandar Vuçiq, për të cilin e gjithë kjo ishte padyshim një shfaqje dhe jeta e serbëve në krahinën tonë jugore është në vendin e fundit për të. Do të vijë dita kur do të zbulojmë se çfarë u ka premtuar të huajve dhe mesa duket na ka futur në shumë borxhe”, tha Aleksiç.

Ai pyeti se si është e mundur që Serbia të jetë i vetmi vend ku ambasadori amerikan dhe ai rus kanë të njëjtat pikëpamje.